-

A CUOPPO CUPO POCO PEPE CAPE ...e... POCO PEPE CAPE A CUOPPO CUPO

domenica 15 novembre 2009

NUN TE SCURDA'


‘E ssentevo quanno ero figliola, ‘o cchiammavano ammore
chellu fuoco ca te nasce 'm pietto e ca maje se ne more
‘e ccumpagne parlavano zitto ‘e sta cosa scurnosa
ca na femmena ‘a fa sulamente ‘o mumento ca sposa.

E pure si sposa nun songo stata maje
saccio comme volle ‘o sanghe e ‘o core sbatte forte assaje
quanno ‘a voce d’a passione chiamma a te,
quanno zitto int’ ‘a na recchia tu te siente ‘e murmulià:

nun te scurda’
nun te scurda’
nun te scurda’
pecchè sta vita se ne va
nun te scurda’
maje ‘e te

nun te scurda’
nun te scurda’
nun t’ ’o scurda’
pecchè si no che campe a fa’
nun te scurda’ ‘e te maje.

E tant' è ll'ammore ca ’a sciorta m’a miso int’ ’e mmane
ca ‘o vvengo e ‘a ggente pe’ chesto me chiamma puttana
nun’aggio maje saputo sta’ carcerata int’ ‘a casa
e n'ommo ca capeva chesto nun l'aggio truvato.

A chi me schifa dico vuo’ vede’
ca ‘o cuorpo tu t’ ‘o vinne comme a me
nun me suppuorte e chest’ ‘o ssaccio già
ie songo ‘o specchio addò nun te vulisse maje guarda’.

Nun te scurda’
nun te scurda’
nun t’ ’o scurda’
pecchè si no che campe a fa’
nun te scurda’ ‘e te, maje.


Mamma, puttana o brutta copia ’e n’ommo
chest’è na femmena int’ ‘a chesta parte ‘e munno
ca quanno nasce a cchesto è destinata
e si ‘a cummanna ‘o core d’ ‘a ggente è cundannata.

Mamma, puttana o brutta copia ‘e n’ommo
avesse voluto ‘e cchiù int’ ‘a chesta parte ‘e munno
apprezzata no p’ ‘e mascule sgravate,
no p’ ‘e chisto cuorpo bello,
no p’ ‘e mazzate che aggio dato
sulamente pecchè femmena so’ stata
e nu catenaccio ‘o core nun me l’aggio maje nzerrato
sulamente pecchè femmena so’ stata
sulamente femmena...

Nun te scurda’
nun te scurda’
nun te scurda’
pecchè sta vita se ne va
nun te scurda’
maje ‘e te

nun te scurda’
nun te scurda’
nun t’ ’o scurda’
pecchè si no che campe a fa’
nun te scurda’ ‘e te maje.

Nessun commento: